VIDEO : हर्षवर्धन पाटलांनंतर आता रामराजे तुतारी हाती घेणार? मोठी अपडेट आली समोर

शरद पवार हे अजित पवारांना आणखीन एक धक्का देण्याच्या तयारीत आहेत. फलटणमधून रामराजे निंबाळकर यांनी नुकतीच भर सभेत अजित पवार यांना फोन करून आमदार दीपक चव्हाण यांची उमेदवारी घोषित केली. मात्र तेच रामराजे निंबाळकर आता शरद पवार यांच्यासोबत जाणार असल्याची चर्चा आहे. त्यामुळे अजित पवार यांना आणखीन एक धक्का बसणार का? असा प्रश्न उपस्थित होत आहे.

रामराजे निंबाळकर यांची जयंत पाटील यांच्याशी चर्चा झाली असून आज रात्री मेळावा घेणार आहेत. त्यात ते कार्यकर्त्यांशी चर्चा करून आपला निर्णय घेतील असं बोललं जात आहे. आता ते पुन्हा शरद पवार यांच्या राष्ट्रवादीत येऊन तुतारी हाती घेणार का? याकडे सगळ्यांचं लक्ष लागलं आहे. आपल्या सभेत रामराजे निंबाळकर यांनी फलटण मतदारसंघातून आमदार दीपक चव्हाण यांना उमेदवारी दिल्याचं घोषित केलं होतं. यावेळी त्यांनी अजित पवार यांना फोन करून ही उमेदवारी घोषित केली होती. मात्र आता रामराजे निंबाळकर यांची शरद पवार गटाचे नेते जयंत पाटील यांच्याशी चर्चा झाली असल्याचं सांगण्यात येत आहे. त्यामुळे आता हर्षवर्धन पाटील यांच्यानंतर रामराजे देखील तुतारी हाती घेतील का? याबद्दल तर्कवितर्क लावले जात आहेत.