Raju Shetti on Milk Price News : दुधाला 40 रुपये भाव मिळालाच पाहिजे, राजू शेट्टी आंदोलनावर ठाम

दुधाला ४० रुपये लिटर भाव द्यावा अशी मागणी दूध उत्पादक शेतकऱ्यांनी केली केली होती. यासाठी राजू शेट्टी यांनी आंदोलनही केले होते. सरकारने या मागणीची दखल घेत दुधाला ३५ रुपये भाव जाहीर केला होता. पण दुधाला ४० रुपये भाव द्यावा आणि ते सर्व पैसे सहकारी संस्थांकडूनच घ्यावे अशी मागणी राजू शेट्टी यांनी केली आहे. लाडकी बहीण योजनेत पैसे देण्यापेक्षा शेतकऱ्याच्या मालाला भाव द्या असेही शेट्टी म्हणाले. तसेच सोयाबीन, कांदा इतर शेतमालाचे बाजारभाव खाली येत आहे याला सरकारचे धोरण कारणीभूत आहे, मग आमच्या बहिणींना दीड हजारांची रुपयांची भीक कशासाठी? तुमच्या भिकेची गरज नाही तिच्या भावाला सक्षम करा तो तिचा संभाळ करेल असेही शेट्टी म्हणाले.