Rajendra Shingne : अजित पवार यांना पुन्हा धक्का; राजेंद्र शिंगणे शरद पवार गटात, पाहा VIDEO

मुंबई : ऐन विधानसभा निवडणुकीत शरद पवारांनी अजित पवारांना मोठा धक्का दिला आहे. सिंदखेडराजाचे आमदार राजेंद्र शिंगणे यांनी पुन्हा शरद पवार गटात प्रवेश केला आहे. राजेंद्र शिंगणे यांनी शरद पवार, आमदार जयंत पाटील यांच्या उपस्थितीत जाहीर प्रवेश केला आहे. यावेळी राज्याचे माजी उपमुख्यमंत्री विजयसिंह मोहिते- पाटील, माजी मंत्री हर्षवर्धन पाटील यांच्यासह पक्षाच्या संसदीय मंडळाचे सदस्य हे देखील उपस्थित होते.

ऐन विधानसभा निवडणुकीत शिंगणे यांनी तुतारी फुंकल्याने अजित पवारांना मोठा धक्का बसल्याचं बोललं जात आहे. शिंगणे यांच्या पक्षप्रवेशामुळे सिंदखेडराजा विधानसभा मतदारसंघातील राजकीय समीकरण बदलून गेलं आहे. शिंगणे यांच्या पक्षप्रवेशामुळे त्यांची पुतणी गायत्री शिंगणे काय भूमिका घेणार, याकडे साऱ्यांचं लक्ष लागलं आहे. शरद पवार गटाने शिंगणे यांच्या पक्ष प्रवेशानंतर त्यांना पुढील सामाजिक व राजकीय वाटचालीसाठी त्यांना मनःपूर्वक शुभेच्छा दिल्या आहेत.