Video: ट्रकचा U-Turn एकाच कुटुंबातील 6 जणांसाठी काळ ठरला! थरारक अपघाताचं CCTV समोर

दिल्ली मुंबई एक्स्प्रेस हायवेवर झालेल्या एका भीषण अपघातात एकाच कुटुंबातील सहा जणांनी जगाचा निरोप घेतला. तर दोन लहान मुलं गंभीररीत्या जखमी झाली आहेत. कारचा तर अक्षरशः चुराडा झाला. राजस्थानच्या सवाई मधोपूर जिल्ह्यात घडलेल्या या अपघाताची दृष्य काळजाचा थरकाप उडवणारी आहेत. या अपघातानंतर ट्रक चालक फरार झालाय. पोलिसांकडून सीसीटीव्ही फुटेजच्या मदतीने ट्रक चालकाचा शोध घेतला जातोय. पहिल्या लेनमधून जात असलेल्या ट्रकने अचानक युटर्न मारल्यामुळे भीषण अपघात घडला. या अपघातात कारमधून जाणाऱ्यांना स्वतःला वाचवण्याची संधीही मिळाली नाही. नेमका अपघात कसा घडला, तेच या व्हिडीओच्या माध्यमातून जाणून घेणार आहोत.