Video: बाळा नांदगावकर यांना शिवडीतून उमेदवारी

शिवसेना विद्यार्थी सेनेपासून राज ठाकरे यांच्यासोबत असणाऱ्या बाळा नांदगावकर मनसेकडून विधानसभेसाठी उमेदवारी घोषित झालाय. बाळा नांदगावकर हे महाराष्ट्रातील राजकारणी असून त्यांचा जन्म २१ जून १९५७ रोजी झाला. त्यांनी आपल्या राजकीय कारकिर्दीची सुरुवात शिवसेनेतून केली होती. शिवसेनेचे उपनेते म्हणून ते अनेक वर्ष कार्यरत होते. त्यानंतर त्यांनी राज ठाकरे यांच्या महाराष्ट्र नवनिर्माण सेनेत प्रवेश केला. ते शिवसेनेत असताना मांझगाव विधानसभा मतदारसंघातून सलग तीन वेळा (१९९५-२००४) आमदार म्हणून निवडून आले. छगन भुजबळ यांचाही पराभव त्यांनी केला होता. त्यानंतर २००९ मध्ये मनसेच्या तिकिटावर ते शिवडी मतदार संघातून चौथ्यांदा आमदार म्हणून निवडून आले. महाराष्ट्राचे गृहराज्यमंत्री म्हणून पदवी त्यांनी भूषवले. मनसेचे प्रमुख नेते म्हणून त्यांची विशेष ओळख आहे. दरम्यान आज राज ठाकरेंनी दोन उमेदवारांची घोषणा केली त्यातील एक बाळा नांदगावकर आहेत.