Rahul Gandhi : मार्शल आर्टच्या रिंगणात राहुल गांधी, मुलांना दिले सुरक्षेचे धडे; पाहा व्हिडिओ

भरत मोहळकर, साम टीव्ही, प्रतिनिधी

राजकारणाच्या आखाड्यात राजकीय डाव टाकणाऱ्या राहुल गांधींचा मार्शल आर्टच्या रिंगणातील व्हिडीओ समोर आलाय. यामध्ये राहुल गांधी मार्शल आर्टचे डाव टाकून प्रतिस्पर्ध्याला चितपट करताना दिसून येत आहेत. भारत जोडो न्याय यात्रेदरम्यानच्या प्रवासात दररोज संध्याकाळी मुक्कामाच्या ठिकाणी राहुल गांधी चिमुकल्यांना मार्शल आर्टचे धडे द्यायचे. जिऊ जित्सू, आयकिडो या मार्शल आर्ट प्रकारातून स्वतःची सुरक्षा कशी करायची हे राहुल गांधींनी लहान मुलांना दाखवून दिलं.

राष्ट्रीय क्रीडा दिनाच्या निमित्ताने राहुल गांधींनी हा व्हिडीओ ट्विटरवरून शेअर केलाय. देशभरातून राहुल गांधींच्या फिटनेस आणि मार्शल आर्टचं कौतूक केलं जातंय. आता राहुल गांधी मार्शल आर्टच्या रिंगणाप्रमाणेच राजकीय आखाड्यातही सत्ताधाऱ्यांना धोबीपछाड देणार का? हेच पाहावं लागेल.