पुण्यातील मतदार अजितदादांसोबत; झेडपी निवडणुकीत राष्ट्रवादी काँग्रेस सर्वात मोठा पक्ष, Exit Poll अंदाज समोर

पुणे आणि पिंपरी-चिंचवड महापालिका निवडणुकीत भाजपला मतदारांनी भरभरून मतदान दिलं होतं. या मतदानाच्या जोरांवर दोन्ही पालिकेवर भाजपने झेंडा फडकावला होता. त्यानंतर झालेल्या पुणे जिल्हा परिषदेच्या निवडणुकीत अजितदादांच्या राष्ट्रवादीला दिलासा दिला आहे. अजित पवारांच्या अपघाती मृत्यूनंतर राष्ट्रवादी काँग्रेसने निवडणुकीत प्रचारही केला नव्हता. या पुणे जिल्हा परिषदेत मतदारांनी अजित पवार गटाला साथ दिली आहे. या जिल्हा परिषदेत एकूण ७३ जागांपैकी अजित पवारांच्या राष्ट्रवादीला ३० जागा मिळण्याची शक्यता आहे. तर शरद पवारांच्या राष्ट्रवादीला १० जागा मिळण्याची शक्यता आहे. तर भाजप आणि शिंदे गटाला अनुक्रमे २० आणि १० जागा मिळण्याची शक्यता व्यक्त करण्यात आली आहे. काँग्रेसला १ तर ठाकरे सेनेला २ जागा मिळण्याची शक्यता आहे.