अक्षय बडवे, साम टीव्ही
पुण्यातील रामटेकडी -सय्यदनगरमध्ये पथारीवाल्यांचा अतिक्रमण विभागाच्या पथकावर हल्ला केल्याची घटना घडली. ज्यामध्ये महापालिकेचा कर्मचारी जखमी झाला आहे. रामटेकडी - सय्यदनगर येथील फुटपाथवर बसुन भाजीपाला विक्री करणार्‍यांवर कारवाई करण्यासाठी गेलेल्या महापालिकेच्या अतिक्रमण विभागाच्या पथकावर विक्रेत्यांनी हल्ला केला. यात अधिकारी, कर्मचार्‍यांना दगडाने व लोखंडी वजनाचे मापाने मारहाण केली.
याबाबत महापालिकेच्या अतिक्रमण विभागाचे सहायक अतिक्रमण निरीक्षक किरण शिंदे यांनी वानवडी पोलीस ठाण्यात फिर्याद दिली आहे. पोलिसांनी सोहेल शेख, शाहीद मौलाली शेख व इतरांवर गुन्हा दाखल केला आहे. ही घटना सय्यदनगर येथील डी पी रोड, नवीन म्हाडा येथील रस्ता येथे सोमवारी सायंकाळी ७ वाजता घडली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.