आहो सुदामे! रीलस्टार अथर्व सुदामेला PMP कडून तिसरी नोटीस, 50 हजारांचा दंड

पुण्यातील रिलस्टार अथर्व सुदामे याच्या अडचणी वाढल्या आहेत. पूर्व परवानगी न घेता पीएमपीच्या बसमध्ये रिल काढून प्रसारित केल्याप्रकरणी त्याला तिसरी नोटीस बजावण्यात आलीय. दोन रीलसाठी त्याला प्रत्येक २५ हजार रुपयांचा दंड सुनावण्यात आलाय. हा दंड न भरल्यास सुदामेवर गु्न्हा दाखल करण्यात येईल असा पीएमपी प्रशासनाने म्हटलंय. सार्वजनिक मालमत्तेचा व्यावसायिक वापर करण्यापूर्वी रितसर परवानगी घेणं आवश्यक असल्याचा नियम पीएमपीएलने सांगितलाय. यापुर्वीही महामंडळाचा गणवेश, ई-मशीन आणि बॅच बिल्ला यांचा बेकायदेशीर वापर केल्याचा प्रशासनाकडून आरोप केला होता.