Pune Rain: पुण्यात तुफान पाऊस, ५ मिनिटांच्या पावसात हिंजवडीतील रस्ते जलमय, पाहा VIDEO

पुण्यात मुसळधार पाऊस झाला. फक्त ५ मिनिटांच्या पावसाने हिंजवडी आयटी पार्क परिसरातील रस्ते हे जवळपास पूर्णपणे जलमय झाले आहेत. त्यामुळे पावसाळ्यापूर्वीच आयटी इंजिनिअर्सची तारांबळ उडाली. आज दुपारी हिंजवडी आयटी पार्क परिसरामध्ये फक्त पाच मिनिटांसाठी मुसळधार पावसाने हजेरी लावली. या ५ मिनिटं पडलेल्या पावसाने हिंजवडी, मान आणि मारुंजी परिसरातील काही रस्ते पूर्णतः जलमय झाले. त्यामुळे पीएमआरडीए आणि एमआयडीसीने हिंजवडी परिसरात केलेल्या पावसाळी कामाची अक्षरशः पोलखलो झाली आहे. अचानक आलेल्या या पावसामुळे अनेकांचे हाल झाले.