Pune News : वारजेत गॅस सिलेंडर स्फोट, होरपळून दोघांचा मृत्यू

Pune Fire News : पुण्यातील वारजे माळवाडी परिसरातील गोकुळ नगर येथे मध्यरात्री ३ वाजता एका घरात गॅस सिलेंडरचा भीषण स्फोट झाला. या स्फोटामुळे लागलेल्या आगीत दोन जणांचा होरपळून मृत्यू झाला आहे. ही घटना पत्र्याच्या बांधकाम असलेल्या घरांमध्ये घडली, या घटनेमुळे परिसरात एकच खळबळ उडाली.

घटनेची माहिती मिळताच अग्निशमन दल आणि वारजे पोलिसांनी तातडीने घटनास्थळी धाव घेतली. अग्निशमन दलाने आग आटोक्यात आणली, मात्र तोपर्यंत दोन व्यक्ती गंभीररीत्या भाजल्या गेल्या होत्या. या दोघांवर उपचार सुरू असताना त्यांचा मृत्यू झाला. या घटनेचे नेमके कारण अद्याप स्पष्ट झालेले नाही. वारजे पोलिसांनी प्रकरणाचा तपास हाती घेतला असून, स्फोटामागील कारण आणि अन्य बाबींची चौकशी सुरू आहे. या दुर्घटनेमुळे परिसरात भीतीचे वातावरण पसरले असून, स्थानिक नागरिकांमध्ये चिंतेचे सावट आहे.