Pune News: पुणेकरांनो काळजी घ्या! तापमानाचा पारा ४२ अंश सेल्सिअसवर, दुपारनंतर पावसाचा अंदाज

पुणेकरांसाठी महत्वाची बातमी आहे. पुण्यातील तापमानाचा पारा वाढला आहे. पुण्याचे तापमान ४० अंश सेल्सिअसच्या पुढे गेले आहे. रात्रीच्या तापमानातही वाढ झाली असून पुढील दोन दिवस दुपारनंतर पावसाचा अंदाज हवामान खात्याने वर्तवला आहे. पुणे शहरात कालपासून पुन्हा एकदा तापमानात वाढ होऊन ते ४०.९ अंश सेल्सिअसवर पोहोचले. लोहगाव परिसरात ४२ अंश सेल्सिअस तापमानाची नोंद झाली. रात्रीच्या तापमानातील सरासरीच्या तुलनेत लक्षणीय वाढ नोंदवण्यात आली. गेल्या आठवड्यात शहरात गारांचा पाऊस पडला होता. मात्र हवामानातील प्रतिकूल घडामोडींमुळे चार दिवसांपासून पारा ३९ ते ४१ अंशावर गेले. पुणे शहराबरोबरच जिल्हासह मध्य महाराष्ट्रात गेल्या दोन दिवसात तापमानात लक्षणे वाढ झाली आहे.