Ganpati Visarjan : विसर्जन मिरवणुकीत घुमला मधुर शंखनाद

10 दिवस उल्हासाने पूजन केलेल्या बाप्पाचे आज थाटात विसर्जन केले जाणार आहे. बाप्पाच्या विसर्जन मिरवणुकांमध्ये आज जल्लोषाचे वातावरण पाहायला मिळणार आहे. पुण्यातील टिळक चौकात विसर्जन मिरवणूकींच्या समोर शंखनाद करण्यात आला आहे.

अनंत चतुर्दशीनिमित्त आज गणरायाला निरोप देण्यात येणार आहे. मुंबईनंतर आता पुण्यात देखील बाप्पाच्या विसर्जन मिरवणूकीत उत्साह बघायला मिळत आहे. पुण्याच्या टिळक चौकातून सगळ्या विसर्जन मिरवणूकीची सुरुवात होते. त्याच ठिकाणाहून आपल्या लाडक्या बाप्पाला निरोप देण्यासाठी मधुर सूरत शंखनाद केला जात आहे. त्यामुळे हा संपूर्ण परिसर शंखनादाने भरून गेला आहे. रांगोळ्या, फुलांच्या माळा लावून या सगळ्या परिसराला आकर्षक सजावट करण्यात आली आहे. लाडक्या बाप्पाला निरोप देण्यासाठी भविकांमध्ये मोठा उत्साह याठिकाणी दिसून येत आहे.