Pune Crime News | पुणे हादरलं! 2 दिवसात 3 गोळीबाराच्या घटना

पुणे : पुणे शहरात अवघ्या दोन दिवसात तीन गोळीबाराच्या घटना घडल्या आहेत.पुण्यातील सिंहगड रोड पोलिस ठाण्याच्या हद्दीत भुमकर चौक परिसरात आज पहाटे अडीच वाजताच्या सुमारास एक व्यक्तीवर गोळ्या झाडण्यात आल्या. मिळालेल्या माहितीनुसार, रात्री 1 वाजता गणेश हा दारू घेण्यास नवले ब्रिज येथे चैतन्य बार ठिकाणी आला. त्यावेळी त्या ठिकाणी आरोपीही जमले होते. त्याने सहज माचीस आहे का विचारले आणि यावरून त्यांच्यात वाद झाले. याच वादातून आरोपीने गोळी झाडली. ती गोळी गणेश याच्या खांद्याला लागली यात तो जखमी झाला. पोलिसांकडून या संपूर्ण प्रकरणाचा तपास सध्या सुरू आहे.