Pune Crime : स्वारगेटनंतर आणखी एक धक्कादायक घटना, सॉफ्टवेअर इंजिनियर तरूणीला पाहून ड्रायव्हरचं नको ते कृत्य

Pune Crime News Update : स्वारगेट बलात्कार प्रकरण ताजं असताना पुण्यातून आणखी एक धक्कादायक घटना समोर आली आहे. पुण्यात कॅब चालकाकडून महिलेसोबत छेडछाड करण्यात आली आहे. पुण्यातील कल्याणीनगर परिसरात कॅब चालकाने महिला सॉफ्टवेअर इंजिनीयर महिलेची छेडछाड केली. कॅब चालकाला पोलिसांनी केली अटक

मिळालेल्या माहितीनुसार, कल्याणीनगर येथील एका कंपनीमध्ये ही महिला काम करते. तेथून तिने घरी जाण्यासाठी कॅब बुक केली होती. संगमवाडी रोडवर बुक केलेली कॅब तिला घेण्यासाठी आली. महिला कॅबमध्ये बसल्यानंतर चालकाने गाडीतील आरसा महिलेकडे वळवला. आरशामध्ये महिलेकडे वाईट नजरेने पाहू लागला आणि इशारे करू लागला. महिलेने कॅब अर्ध्या रस्त्यात थांबवण्यास चालकाला सांगितले. कॅबमधून उतरल्यानंतर पीडित महिलेने थेट पोलीस स्थानक गाठत तक्रार दाखल केली. पोलिसांनी तत्काळ सुमित कुमार या चालकाला अटक केली आहे.