Pune Porsche Accident : पुणे ड्रंक अँड ड्राईव्ह प्रकरणात ठाकरे गट एक्शन मोडवर! आंदोलन करत या मागण्या केल्या

पुणे अपघात प्रकरणावरुन ठाकरे गट चांगलाच आक्रमक झाला. Drunk And Drive प्रकरणावरुन ठाकरे गटाने पुण्यातील येरवाडा तुरुंगाबाहेर जोरदार आंदोलन केलं. या आंदोलनात त्यांनी पुण्यातील वरीष्ठ पोलिस अधिकाऱ्यांचे राजीनामे मागितले. तसेच पुण्यातील पब संस्कृतीला टाळं लावण्याची मागणी केली. पुण्यातील एका बड्या बिल्डरच्या मुलाने मध्यरात्रीच्या सुमारास दोन निष्पाप लोकांचा जिव घेतला. या घटनेचे पडसाद देशभरात उमटले. आरोपी अल्पवयीन असल्यामुळे त्याला ज्या अटींवर जामीन देण्यात आली होती. त्या अटींचीही देशभरात चर्चा झाली. आता याच प्रकरणात ठाकरे गटाने उडी घेतल्याचं दिसून आलं.