Video: प्रियंका गांधी येताच एकच गर्दी झाल्यानं पोलिसांचीही उडाली तारांबळ! नेमकं घडलं तरी काय?

नंदुरबार : काँग्रेस नेत्या प्रियंका गांधी यांनी नंदुरबार येथे प्रचारसभा पार पडली. या सभेवेळी प्रियंका गांधी यांचं आगमन होताच एकच जनसागर उसळला होता. प्रियंका गांधी यांना भेटण्यासाठी आणि त्यांचं स्वागत करण्यासाठी झालेल्या गर्दीचा व्हिडीओ राहुल गांधी यांच्याकडूनही शेअर करण्यात आला आहे. मोठ्या संख्येने लोकं प्रियंका गांधी काय बोलणार? हे ऐकण्यासाठी आली असल्याचं यावेळी पाहायला मिळालं. नंदुरबारमधील प्रियंका गांधी यांच्यासाठी झालेल्या गर्दीचा हा व्हिडीओ सोशल मीडियात प्रचंड व्हायरल झाला असून राहुल गांधी यांनी या व्हिडीओच्या माध्यामातून लोकसभा निवडणुकीवरही सूचक वक्तव्य केलंय. देशातील प्रत्येक राज्यात इंडिया आघाडीचं वादळ असल्याचं राहुल गांधी यांनी म्हटलंय. ४ जूननंतर नरेंद्र मोदी पंतप्रधान नसतील, असंही राहुल गांधी यांनी आपल्या सोशल मीडियातील पोस्टमध्ये म्हटलंय.