Maharashtra Election: अजित पवारांविरोधात प्रतिभा पवार मैदानात; दादांचा सवाल, पवारांचा पलटवार

भरत मोहोळकर, साम प्रतिनिधी

बारामती विधानसभेत अजित पवार विरुद्ध युगेंद्र पवार लढत रंगतदार टप्प्यावर पोहचलीय. अजित पवारांच्या विरोधात युगेंद्र पवारांच्या प्रचारासाठी शरद पवारांच्या पत्नी प्रतिभा पवार मैदानात उतरल्या आहेत. त्यावरून अजित पवारांनी नाराजी व्यक्त केलीय. तर काकी कधीच प्रचारासाठी बाहेर पडल्या नाहीत. मग आता नातवाचा एवढा पुळका का? असा प्रश्न निवडणुकीनंतर काकींना विचारणार असल्याचं अजित पवारांनी म्हटलंय... तर प्रतिभा पवार या मी सोडून सगळ्यांच्या प्रचाराला फिरायच्या, असं म्हणत शरद पवारांनी पलटवार केलाय..

लोकसभा निवडणुकीत अजित पवारांविरोधात संपूर्ण पवार कुटुंब मैदानात उतरलं होतं. त्यावेळी अजित पवारांचा मतदारसंघ असलेल्या बारामतीतूनच सुप्रिया सुळेंना तब्बल 48 हजार मतांचं लीड मिळालं होतं. त्यामुळे अजित पवार अस्वस्थ आहेत. त्यातच आता लाडक्या प्रतिभा काकींचा विरोधातील प्रचार दादांच्या चांगलाच जिव्हारी लागलाय.. त्यामुळे पवार कुटुंबाने केलेली कोंडी दादा फोडणार की भावनिक साद घालून एकटे खिंड लढवणार? याकडे लक्ष लागलंय.