मुंबई: राजधानी मुंबईतल्या पवई परिसरात एक थरारक घटना घडली आहे. पवईतील RA स्टुडिओत एका व्यक्तीने तब्बल 20 ते 22 शाळकरी मुलांना ओलीस ठेवल्याची माहिती समोर आली आहे. सर्व मुले 15 वर्षांखालील असून गेल्या काही दिवसांपासून या स्टुडिओत “शूटिंग ऑडिशन”च्या नावाखाली प्रशिक्षणासाठी येत होती. मात्र, आज अचानक आरोपीने सर्व मुलांना एका खोलीत बंद करून ओलीस ठेवले.
घटनेनंतर परिसरात एकच खळबळ उडाली. आरोपीने स्वतःचा व्हिडिओ काढून मुलांना ओलीस ठेवल्याची माहिती दिली. ही माहिती मिळताच पोलीस आणि NSG कमांडो घटनास्थळी दाखल झाले. अग्निशमन दल आणि पोलिसांच्या संयुक्त कारवाईत ओलीस ठेवणाऱ्या रोहित आर्य या व्यक्तीला अखेर ताब्यात घेण्यात आले. सर्व मुलांची सुखरूप सुटका करण्यात आली असून त्यांना पालकांकडे सोपवण्यात आले आहे.
दरम्यान, दिवाळीच्या सुट्ट्यांमुळे अनेक पालक आपल्या मुलांना विविध कोर्सेस व अॅक्टिव्हिटीत गुंतवून ठेवत आहेत. अशातच ऑडिशनच्या नावाखाली मुलांना डांबून ठेवण्यात आल्याने पालकांमध्ये भीतीचं वातावरण निर्माण झालं आहे. पोलिसांनी संपूर्ण परिसराला सुरक्षा कवच देत या घटनेचा तपास सुरू केला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.