कुख्यात गुंड निलेश घायवळच्या गाडीवर पोलिसांचा फास; उसाच्या शेतातून कार जप्त|VIDEO

कुख्यात गुंड निलेश घायवळच्या गाडीवर अखेर पोलिसांचा फास आवळला आहे. पोलिसांनी अहिल्यानगर जिल्ह्यातील जामखेड तालुक्यातील खर्डा गावातून ही गाडी जप्त केली आहे. मिळालेल्या माहितीनुसार, घायवळ आणि त्याच्या साथीदारांनी ही गाडी उसाच्या शेतात लपवून ठेवली होती. विशेष म्हणजे, या गाडीवर निलेशने “BOSS” अशी नंबर प्लेट लावली होती, जी स्थानिकांमध्ये चर्चेचा विषय ठरली होती. सध्या पोलिसांकडून या गाडीची तपासणी सुरू असून, ती कोणत्या गुन्ह्यात वापरली गेली होती याचा शोध घेतला जात आहे. संपूर्ण प्रकरणामुळे राजकीय वर्तुळात पुन्हा एकदा खळबळ माजली आहे.