शेतकऱ्यांना भरघोस मदत मिळणार? PM मोदी आणि CM फडणवीसांमध्ये काय चर्चा झाली? VIDEO

राज्याचे मुख्यमंत्री देवेंद्र फडणवीस यांनी आज पंतप्रधान नरेंद्र मोदी यांची भेट घेत त्यांना राज्यातील झालेल्या पूरग्रस्त भागात झालेल्या नुकसानीची माहिती दिली. तसेच केंद्र सरकरकडून आर्थिक मदत मिळावी असे निवेदन दिले. फडणवीस आणि मोदी यांच्यामध्ये एक तास चर्चा झाली. या भेटीनंतर फडणवीस यांनी माध्यमांशी संवाद साधला आणि सविस्तर माहिती दिली. फडणवीस म्हणाले, मोदी 8 आणि 9 ऑक्टोबरला महाराष्ट्रात येणार आहे.

महाराष्ट्रात मोठा फिंटेक फेस्टिवल होणार आहे. त्यासाठी मोदी राज्यात येणार असून ब्रिटनचे पंतप्रधान देखील येणार आहे. सर्वात फिंटेकची जास्त गुंतवणूक ही महाराष्ट्रात होणार आहे. तसेच राज्याला भरीव निधी मिळावा अशी विनंती केल्याचे फडणवीस म्हणाले. पूरग्रस्त भागात जे काही नुकसान झाले आहे त्याचा आढावा घेण्याचे काम सुरू असून त्याची माहिती केंद्र सरकारला दिली जाईल आणि त्यांनंतर मदत मिळेल अशी ग्वाही मुख्यमंत्री देवेंद्र फडणवीस यांनी दिली.