Saam TV exit poll : पिंपरीत पवारांना धक्का, भाजपची सत्ता, वाचा एक्झिट पोलमध्ये कुणाला किती जागा

Pimpri Chinchwad municipal election survey analysis : अजित पवारांच्या राष्ट्रवादीला काँग्रेसला पिंपरी चिंचवड महापालिकेत सत्ता स्थापन करता येत नसल्याचा अंदाज एक्झिट पोलमध्ये वर्तवण्यात आला आहे. पिपंरी चिंचवडमध्ये भाजप क्रमांक एकचा पक्ष असल्याचा अंदाज एक्झिटपोलमध्ये वर्तवण्यात आला.

महापालिकांच्या रणसंग्रामात कोण जिंकणार? तुमच्या महापालिकेत कोणाची सत्ता येणार ? याबाबतचा अंदाज एक्झिट पोलमध्ये वर्तवण्यात आला आहे. राज्यात भाजपचीच सत्ता येत असल्याचा अंदाज या सर्व्हेत वर्तवण्यात आला. हा फक्त सर्व्हेचा अंदाज आहे, अधिकृत निकाल शुक्रवारी जाहीर होणार आहे.

पिंपरी चिंचवडमध्ये भाजप क्रमांक एकचा पक्ष ठरत असल्याचा अंदाज आहे. भाजपला ७० जागा मिळू शकतात असा अंदाज वर्तवण्यात आलाय. तर शिंदेंच्या शिवसेनेला ५ जागा मिळू शकतात. अजित पवारांच्या राष्ट्रवादी काँग्रेसला ४२ तर शरद पवारांच्या राष्ट्रवादी काँग्रेसला ७ जागा मिळू शकतात. ठाकरेंची शिवसेना २ आणि मनसेलाही २ जागा मिळू शकतात, असा अंदाज सर्व्हेत व्यक्त करण्यता आलाय.