VIDEO: Chhatrapati Sambhajinagar मधील टोलनाक्यावर कर्मचाऱ्यांकडून प्रवाशांना मारहाण
छत्रपती संभाजीनगरजवळील करोडी टोलनाक्यावर कर्मचाऱ्यांकडून प्रवाशांना मारहाण करण्यात आली आहे. रात्री साडेनऊच्या सुमारास पाच प्रवाशांना टोलनाक्यावरील कर्मचारी आणि त्यांच्या टोळक्याने बेदम मारहाण केली आहे. यात एक जण गंभीर जखमी झाला आहे. इतर चार जणांना जबर मारहाण झाल्याने त्यांच्यावर खाजगी हॉस्पिटलमध्ये उपचार सुरू आहेत. टोल बॅरिगेट बंद का केलेत आणि एक बॅरिगेट सुरू करा अशी विनंती करायला गेलेल्या प्रवाशांना मारहाण करण्यात आली आहे. जखमी झालेले सर्व छत्रपती संभाजीनगर शहरातील व्यावसायिक आहेत. कॉन्फरन्स आटोपून नाशिकवरून परत येत असताना करोडी टोल नाक्यावर सहा बॅरिगेट बंद होते. केवळ एक बॅरिगेट सुरू होता, त्यामुळे ट्रॉफिक झालं होतं. एक बॅरिगेट उघडून ट्रॉफिक कमी करा अशी विनंती करायला गेल्यानंतर कर्मचाऱ्यांनी सुरुवातीला हुज्जत घातली. त्यानंतर शिवीगाळ करून मारहाण करायला सुरुवात केली असे जखमी झालेल्या प्रवाशांनी सांगितले. तिथल्या कर्मचाऱ्यांनी गज, पाईप, बेल्ट, दगडाचा वापर करून प्रचंड मारहाण केली असल्याची माहिती समोर येत आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.