Pankaja Munde News | घोषणा देणाऱ्या आंदोलकांशी मुंडेंचा संवाद!

बीड : लोकसभेच्या महायुतीच्या उमेदवार पंकजा मुंडे या आज माजलगाव दौऱ्यावर आहेत. यादरम्यान त्यांना लवूळ येथे मराठा आरक्षणावर घोषणाबाजीला सामोरे जावे लागले आहे. यावेळी पंकजा मुंडे यांनी थेट गाडी खाली उतरून या आंदोलकांशी संवाद साधला. तुमची काय मागणी आहे, ती मला सांगा, असे पंकजा मुंडे यांनी म्हटलं. नंतर या आंदोलकांनी ताई आमचा तुमच्यावर रोष नाही. परंतु मराठा आरक्षणाला पाठिंबा द्या, आमच्या मुलांच्या भविष्याचा प्रश्न आहे. तुमच्यावर आमचा विश्वास आहे, तुम्ही आम्हाला लेखी द्या, अशी मागणी आंदोलकांनी केली. यावेळी पंकजा मुंडे यांनी तुमचा आवाज तुमच्या प्रश्नावर मी नक्कीच आवाज उठविल, असे आश्वासन दिले.