CM Eknath Shinde Pandharpur : मोठी बातमी! पंढरपुरात मुख्यमंत्री शिंदे यांचा ताफा अडवला, कार्यकर्त्यांची घोषणाबाजी

पंढरपूर :

पंढरपुरातून मोठी बातमी समोर आली आहे. पंढरपुरात अखिल भारतीय होलार समाजाने मुख्यमंत्री शिंदे यांचा ताफा अडवला. यावेळी होलार समाजाच्या कार्यकर्त्यांनी मुख्यमंत्र्यांच्या ताफ्यासमोर जोरदार घोषणाबाजी केली. त्यानंतर पोलिसांची एकच धावपळ झाली.

मुख्यमंत्री एकनाथ शिंदे हे पंढरपुरात आषाढी एकदशी पूजेसाठी पोहोचले आहेत. मुख्यमंत्री शिंदे पंढरपुरात पोहोचल्यानंतर अखिल भारतीय होलार समाजाने मुख्यमंत्र्यांचा ताफा अडवला. पंढरपूर शहरातील प्रबोधनकार ठाकरे चौकात मुख्यमंत्र्यांचा ताफा अडवला. या कार्यकर्त्यांनी मु्ख्यमंत्र्यांच्या वाहनासमोर घोषणाबाजी केली. आर्थिक विकास महामंडळ आणि अभ्यास आयोगासाठी होलार समाजाने आक्रमक पवित्रा घेतला आहे. आषाढी यात्रेला येणाऱ्या मुख्यमंत्र्यांना रोखण्याचा इशारा त्यांनी दिला होता.