पाकिस्तान भूगोलात राहायचं की इतिहासात? लष्करप्रमुखांचा शेजारील देशाला इशारा

दहशतवादाच्या माध्यमातून भारतात अशांतता निर्माण करण्याचा प्रयत्न करणाऱ्या पाकिस्तानला भारतीय लष्करप्रमुख जनरल उपेंद्र द्विवेदी यांनी कडक इशारा दिला आहे. जर पाकिस्तानने भारताच्या विरोधात दहशतवादाला प्रोत्साहन देणे सुरूच ठेवले, तर त्यांना स्वतःलाच ठरवावे लागेल की त्यांन जगाच्या भूभागाचा भाग बनून राहायचे आहे की इतिहासात जमा व्हायचे आहे. 'ऑपरेशन सिंदूर'च्या पहिल्या वर्षपूर्तीनिमित्त आयोजित 'आर्मी डायलॉग' कार्यक्रमादरम्यान लष्करप्रमुखांनी हे वक्तव्य केले. दिल्लीतील मानेकशॉ सेंटरमध्ये 'ऑपरेशन सिंदूर'सारखी परिस्थिती पुन्हा निर्माण झाल्यास भारताची भूमिका काय असेल, असे विचारले असता, जनरल द्विवेदी यांनी भारत आपल्या सुरक्षे आणि सार्वभौमत्वाशी कोणतीही तडजोड करणार नाही, असे स्पष्ट उत्तर दिले.