Pahalgam Attack : जे कधी विमानात बसले नाहीत....; शिंदेंच्या खासदाराचं असंवेदनशील वक्तव्य, VIDEO

जम्मू काश्मीरच्या पहलगाम येथे झालेल्या दहशतवादी हल्ल्यात निष्पाप लोकांचा मृत्यू झाला. एकीकडे काश्मीरमध्ये रक्ताचा सडा पडलेला असताना दुसरीकडे शिंदे गटाचे खासदार नरेश म्हस्के हे बढाया हाणत आहेत. जे लोक कधीही विमानात बसले नाही, त्यांना एकनाथ शिंदे स्वतः विमानातून घेऊन आले, असं भावनाशून्य असलेल्या माणसासारखं वक्तव्य या खासदारांनी केलं.

आपल्या डोळ्यासमोर लोकांनी रक्ताची माणसं गमावली आणि हे खासदार आपल्या नेत्याचा गाजावाजा करत आहेत. मंगळवारी पहलगाम येथील बैसरन भागात दहशतवाद्यांनी पोलीस वेशात येऊन पर्यटकांवर गोळ्या झाडल्या. यामध्ये २६ जणांचा मृत्यू झाला. या सगळ्या परिस्थितीत घाबरलेल्या पर्यटकांना विशेष विमानाने परत आणण्यात येत आहे. त्यावर नरेश म्हस्के यांनी असंवेदनशील वक्तव्य केले आहे. यामुळे नागरिकांनी तीव्र संताप व्यक्त केला आहे.