VIDEO: कांद्याचे भाव गगनाला, किरकोळ बाजारात ग्राहकांच्या खरेदी भावामध्ये मोठी तफावत!

राज्यामध्ये कांद्याचे भाव गगनाला भिडले आहेत. शेतकऱ्यांना रडवणा-या कांद्याने किरकोळ बाजारात चांगलाच भाव खाल्ला आहे. मात्र शेतक-यांना मिळणारा बाजारभाव आणि शहरात किरकोळ बाजारात ग्राहकांच्या खरेदी भावामध्ये मोठी तफावत असल्याचे आढळून आले आहे. कांद्याचे दर किरकोळ बाजारात 80 रुपये प्रतिकिलो पर्यंत गेले असून सध्या साठवणुकीतला कांदा बाजारसमिती विक्रीसाठी येत आहे. चांगल्या प्रतीच्या कांद्याला ३५ ते ४० रुपये प्रतिकिलो पर्यत बाजारभाव मिळत असला तरी साठवणुकीतल्या कांद्याच्या वजनात उत्पादनाच्या तुलनेत 30 टक्क्यांनी घट झाली आहे. त्यामुळे सध्या मिळणारा बाजारभावही शेतक-यांना परवडणारा नाही. अशात बाजारसमितीत ३५ ते ४० रुपये प्रतिकिलो बाजारभावाचा कांदा शहरातील किरकोळ बाजारात ७० चे ८० रुपये प्रतिकिलो ने ग्राहकांना मिळत असल्याने शहरी भागातील गृहिणींचे बजेट कोलमडले आहे.