Kunbi Certificate Row : जात, पात, पाटील, 96 कुळी, क्षत्रिय तुम्ही राहिले का? हाकेंचा जरांगेंना सवाल

Laxman Hake on Manoj Jarange Patil : लक्ष्मण हाके यांनी मनोज जरांगे यांच्यासमोर ओबीसी समाजातील तरुणांच्या लग्नाचा जाहीर प्रस्ताव सभेत मांडलाय. आता तुम्ही मागास झाला आहात ना? कुणबी प्रमाणपत्राद्वारे तुम्ही ओबीसीमध्ये आला आहात. आता पहिले ११ विवाह आप आपल्यामध्ये ठरवूयात. आमच्यातील शिकलेली पोरं सुचवतो. आता तुम्ही आमच्यात आला आहात. जातपात राहिली नाही, असे लक्ष्मण हाके म्हणाले.

पाटील, 96 कुळी, क्षत्रिय तुम्ही राहिले का? त्यामुळे आपआपल्यात ११ विवाह जाहीर करू, असे थेट आवाहन लक्ष्मण हाके यांनी जरांगेंना करत ओबीसी समाजातील तरुणांच्या लग्नाचा प्रस्तावच दिला. बीडच्या गेवराई येथील शिंगारवाडी येथे आयोजित ओबीसी महाएल्गार मेळाव्यात ते बोलत होते.

ओबीसी नेते लक्ष्मण हाकेंनी मराठा आंदोलक मनोज जरांगे पाटील यांच्यासमोर ओबीसी समाजातील तरुणांच्या लग्नाचा प्रस्ताव मांडलाय.. तुम्ही मागास झालात.. आता पहिले 11 विवाह आप आपल्यामध्ये ठरवूयात.. असा प्रस्ताव हाकेंनी मांडलाय.. तर आता जात पात राहिली का? पाटील, 96 कुळी, क्षत्रिय तुम्ही राहिले का?.. असा सवालही त्यांनी केलाय.