महत्त्वाची बातमी! टोल प्लाझावर आजपासून नवे नियम लागू; रोख रक्कम बंद, डिजिटल पेमेंट अनिवार्य

Toll Plaza Update : राष्ट्रीय महामार्गावरून प्रवास करणाऱ्या वाहनधारकांसाठी एक महत्त्वाची बातमी आहे. आजपासून टोल प्लाझावर रोख रक्कम (Cash) देण्याची पद्धत पूर्णपणे बंद करण्यात आली असून, डिजिटल पेमेंट बंधनकारक करण्यात आले आहे. नॅशनल हायवे अथॉरिटी ऑफ इंडियाने (NHAI) हा निर्णय घेतलाय. NHAI ने टोल प्लाझावर रोख रक्कम देण्याची पद्धत पूर्णपणे बंद कऱण्यात आली. आता डिजिटल पेमेंट बंधनकारक करण्यात आले आहे. UPI द्वारे टोल भरल्यास 25 टक्के अधिक शुल्क आकारले जाणार आहे

टोल नाक्यांवर आता रोख स्वरूपात टोल स्वीकारला जाणार नाही. ज्या वाहनांवर फास्टॅग (FASTag) नाही, त्यांना यूपीआय (UPI) द्वारे टोल भरण्याची सोय दिली जाईल. मात्र, यूपीआयद्वारे पेमेंट केल्यास सामान्य टोल दरापेक्षा २५ टक्के अधिक शुल्क आकारले जाणार आहे. जर वाहनाकडे फास्टॅग नसेल आणि चालक यूपीआय पेमेंट करण्यासही असमर्थ असेल, तर त्या वाहनाला टोल प्लाझावरून पुढे जाऊ दिले जाणार नाही. टोल न भरता गेल्यास संबंधितांना ई-नोटीस पाठवली जाईल. या नोटिसीनंतर तीन दिवसांच्या आत टोलची रक्कम न भरल्यास दुप्पट दंड आकारला जाईल, असा इशारा देण्यात आला आहे.