Nitin Gadkari यांना भर प्रचारसभेदरम्यानच भोवळ आल्यानं एकच गोंधळ! Video समोर

यवतमाळ : केंद्रीय मंत्री आणि नागपूरचे भाजपचे उमेदवार नितीन गडकरी यांना अचानक प्रचारसभेदरम्यान भोवळ आली. नितीन गडकरी हे यवतमामळच्या पुसद इथं आयोजित करण्यात आलेल्या प्रचार सभेत सहभागी झाले होते. मात्र अचानक त्यांनी चक्कर आल्यानं एकच गोंधळ उडाला. यवतमाळ वाशिम लोकसभा मतदार संघात महायुतीच्या उमेदवार राजश्री पाटील यांच्या प्रसारासाठी सभा आयोजित करण्यात आली होती. त्यावेळी गडकरी यांच्यासह महायुतीचे इतरही नेते उपस्थित होते. दरम्यान, भोवळ आल्यानंतर आता नितीन गडकरी यांची प्रकृती स्थिर असल्याचं कळतंय. याआधीची नितीन गडकरी यांनी उष्माघाताचा त्रास झालेल्याचं पाहायला मिळालेलं होतं. आता पुन्हा एकदा भर प्रचारसभेतच त्यांना भोवळ आल्यानंतर व्यासपीठावर एकच गोंधळ उडाला होता. उपस्थित कार्यकर्त्यांनी प्रसंगावधान राखत गडकरींना सावरल्याचंही यावेळी पाहायला मिळालं.