Video: EVM वर शंका? निलेश लंकेंनी सुजय विखेंना सुनावलं! म्हणाले, पराभव स्वीकारा

अहमदनगर : सुजय विखे पाटील यांनी EVM वर आक्षेप घेतला आहे. निलेश लंके यांच्या विरोधात लोकसभा निवडणूक लढवणाऱ्या सुजय विखे यांना पराभवाचा सामना करावा लागला होता. कार्यकर्त्यांच्या भावनांचा आदर करत काही बूथ निवडून त्या ठिकाणी असलेल्या ईव्हीएमची तपासणी करण्याची मागणी विखेंनी केली आहे. सर्वोच्च न्यायालयाचा मान ठेवत या प्रक्रियेला सुरुवात केली असल्याचं विखेंनी म्हटलंय. केंद्रात सत्तेत असणारी माणसं ईव्हीएमवर शंका घेत आहेत, ही बाब आश्चर्यकारक असल्याचं निलेश लंके यांनी म्हटलंय. इतकंच काय तर पराभव स्वीकारायला शिका, असा टोलाही निलेश लंकेंनी सुजय विखेंना लगावलाय.