Bhandup News : भयंकर घटना! BMC च्या हॉस्पिटलमध्ये टॉर्चच्या उजेडात गर्भवतीची प्रसूती; आधी नवजात बाळ दगावलं, आईचाही गेला जीव

मुंबईतील भांडुपच्या सुषमा सुराज पालिका प्रसूतीगृहामध्ये एक धक्कादायक प्रकार समोर आलाय. रुग्णालयात महिलेच्या प्रसूतीवेळी वीज पुरवठा अचानक खंडित झाला. त्यामुळं डॉक्टरांना टॉर्चच्या प्रकाशात महिलांची प्रसूती करावी लागली. यामध्ये एका गर्भवती महिलेचा सीझर करताना नवजात अर्भकाला जीव गमवावा लागला. तर गर्भवती महिलेला प्रकृती गंभीर असल्याने सायन रुग्णालयात उपचारासाठी दाखल केले. तिथं उपचारादरम्यान तिचाही मृत्यू झाला. या घटनेनंतर कुटुंबीयांनी संताप व्यक्त केला. ईशान्य मुंबई उपनगरातील प्रशासनाच्या हलगर्जीपणामुळे नवजात अर्भकाचा मृत्यू झाल्याची पहिलीच घटना नाही; त्यामुळे या भागात आरोग्य व्यवस्थेचे तीनतेरा वाजल्याचे दिसून येत आहे. तसेच, संबंधित डॉक्टर आणि कर्मचाऱ्यावर कारवाईची मागणी करण्यात येत आहे.