Gopichand Padalkar vs Jitendra Awhad: गोपीचंद पडळकरांच्या कार्यकर्त्यांकडून मारहाण झालेला नितीन देशमुख कोण? पाहा, VIDEO

राष्ट्रवादी शरद पवार गटाचे आमदार जितेंद्र आव्हाड आणि भाजप आमदार गोपीचंद पडळकर यांच्यातला शिवीगाळचा वाद हा आज थेट हाणामारीपर्यंत येऊन पोहोचला. विधानसभेच्या लॉबीमध्ये या दोघांच्या कार्यकर्त्यांमध्ये तुंबळ हाणामारी झाली. नितीन देशमुख या जितेंद्र आव्हाडांच्या कार्यकर्त्याला पडळकर कार्यकर्त्यांनी मारहाण केली. यानंतर आव्हाडांनी नितीन देशमुखांची भेट घेत त्याची विचारपूस केली.

विधीमंडळात ज्या नितीन देशमुखांना मारहाण झाली ते नेमके कोण आहेत?

नितीन देशमुख हा राष्ट्रवादीचा कार्यकर्ता असून आमदार जितेंद्र आव्हाडांचा जवळचा कार्यकर्ता आहे. मुंबईच्या घाटकोपर भागात तो राष्ट्रवादी कॉँग्रेस शरद पवार गटाचे तो प्रतिनिधित्व करतो. गेल्या 15 वर्षांपासून तो राष्ट्रवादीमध्ये कार्यरत आहे. जितेंद्र आव्हाडांचा अतिशय विश्वासू अशी त्याची ओळख आहे.