Sharad Pawar : सरकारला विरोधक नकोच, आढाव यांचा आरोप; शरद पवारांचा आंदोलनाला पाठिंबा जाहीर

सरकार जनतेची फसवणूक करत आहे. त्यांना विरोधक नकोच आहेत, अशी टीका करत ईव्हीएममध्ये नागरिकांनी टाकलेलेच मतदान आहे, याचा पुरावा काय? असा सवाल ज्येष्ठ सामाजिक कार्यकर्ते बाबा आढाव यांनी उपस्थित केला आहे. शनिवारी बाबा आढाव यांच्या उपोषण स्थळी शरदचंद्र पवार राष्ट्रवादी काँग्रेस पक्षाचे नेते शरद पवार यांनी भेट दिली. त्यावेळी आढाव बोलत होते. तर ईव्हीएममध्ये घोटाळा झाला असून सरकारी तिजोरीची लूट सुरू असल्याचा आरोप करत आमचा बाबा आढवा यांच्या आंदोलनाला पाठिंबा असल्याचं शरद पवार यांनी जाहीर केलं आहे. राज्यभरातून या उपोषणाला पाठिंबा मिळत असल्याचा दावा देखील यावेळी उपोषणकर्त्यांच्या वतीने करण्यात आला.

सामाजिक कार्यकर्ते बाबा आढाव यांचे तीन दिवसापासून सुरू केले आहे. त्यांच्या उपोषण स्थळी शरदचंद्र पवार राष्ट्रवादी काँग्रेस पक्षाचे नेते शरद पवार यांनी भेट दिली. त्यांच्या उपोषण स्थळी शरदचंद्र पवार राष्ट्रवादी काँग्रेस पक्षाचे नेते शरद पवार यांनी भेट दिली. गौतम अदानी यांच्यावर देखील कारवाई झाली पाहिजे. अदानींच्या विरोधात लोकसभेत बोलू दिले जात नाही. ही गंभीर बाब आहे. त्यामुळे याबाबत मी सरकारच्या विरोधात सत्याग्रह करत असल्याचे आढाव यांनी म्हटलं आहे. सरकार जर चुकत असेल तर त्यांना वेळीच सांगितले पाहिजे. लोकशाहीतील एक नागरिक म्हणून माझे ते कर्तव्य आहे, असे बाबा आढाव म्हणाले.

Edited By Rakhi Rajput