NCP News Today: Ajit Pawar गटातील 10 आमदार पुन्हा शरद पवारांकडे परतण्याची शक्यता? मोठी राजकीय Update समोर

मुंबई : मोठी राजकीय घडामोड समोर आली आहे. अजित पवार यांच्या आमदारांकडून सुप्रिया सुळे यांचं अभिनंदन करण्यात आलं आहे. बारामतीत अजित पवार यांच्या पत्नी सुनेत्रा पवार विरुद्ध सुप्रिया सुळे यांच्यात लढत झाली होती. या लढतीत सुप्रिया सुळे यांनी बाजी मारली. त्यानंतर आता राजकीय वर्तुळात चर्चांना उधाण आलंय. सुप्रिया सुळे यांना अजित पवार गटातील 10 आमदारांनी मेसेज पाठवून अभिनंदन केलंय. त्यानंतर हे 10 आमदार पुन्हा शरद पवार यांच्याकडे परतणार की काय? अशी शंका व्यक्त केली जाते आहे. अजित पवार गटाचा एक उमेदवार लोकसभा निवडणुकीत निवडून येऊ शकला होता. त्यामुळे आता आमदारांना राजकीय भवितव्याची चिंता लागली असल्याचा तर्कही लढवला जातोय.