Ajit Pawar News : अजित पवार अॅक्शन मोडवर; विद्यमान आमदारांना AB फॉर्मचं वाटप

उमेदवारी अर्ज भरण्याची तारीख जशी जवळ येत आहे, तसं राष्ट्रवादी कॉंग्रेस अजित पवार गट अॅक्शन मोडवर आलेला दिसत आहे. अजित पवार यांनी AB फॉर्मचं वाटप सुरू केलं आहे. गेल्या काही दिवसांपासून जागावाटपासंदर्भात बोललं जात होतं. अशातच आता भाजपची काल पहिली यादी जाहीर झाली आहे. त्यानंतर आता आज शिवसेना शिंदे गट आणि राष्ट्रवादी अजित पवार गट यांची उमेदवार यादी जाहीर होण्याची शक्यता आहे. त्याच पार्श्वभूमीवर आज अजित पवार यांनी AB फॉर्म द्यायला सुरुवात केली आहे. संजय बनसोडे, चेतन तुपे, सुनील तटकरे हे यावेळी उपस्थित होते. देवगिरी बांगल्यावरती येऊन अजित पवार यांचे विद्यमान आमदार AB फॉर्म घेऊन जात आहे. त्यामुळे आज अजित पवार गटाची पहिली यादी जाहीर होणार असल्याचीच माहिती या हालचालींवरून समोर येत आहे.

Edited By Rakhi Rajput