Yeola Constituency : येवल्यातून छगन भुजबळ यांना केवळ 86 मतांची आघाडी | Marathi News

छगन भुजबळ यांना येवला मतदारसंघातून केवळ 86 मतांनी आघाडी मिळतांना दिसत आहे. मतमोजणीतील सुरुवातीच्या कलात राष्ट्रवादी अजित पवार गटाचे मंत्री छगन भुजबळ हे आघाडीवर असले तरी त्यांना केळव 86 मतांची आघाडी मिळाली आहे.

विधानसभा निवडणुकीनंतर आज कोण सत्ता स्थापन करणार याचा निकाल लागणार आहे. त्यासाठी सकाळी 8 वाजेपासून मतमोजणीला सुरुवात झाली आहे. त्यानंतर आता सुरुवातीचे कल यायला लागले आहेत. यात महायुतीला आघाडी मिळतांना दिसत आहे. महायुतीचे उमेदवार सकाळच्या सुरुवातीच्या कलातून आघाडीवर असून यात येवला मतदारसंघातून छगन भुजबळ हे आघाडीवर आहे. राष्ट्रवादी अजित पवार गटाकडून भुजबळ हे निवडणूक लढवत आहेत. त्यांच्या विरोधात माणिकराव शिंदे हे निवडणुकीच्या मैदानात आहे. छगन भुजबळ आणि मराठा आंदोलक मनोज जरांगे पाटील यांच्यातील मराठा आरक्षणाच्या वादाचा परिणाम या निकालावर होईल का, हे पाहाणं आता महत्वाचं ठरणार आहे. सध्या तरी सुरुवातीला छगन भुजबळ यांना काही अंशी दिलासा मिळतअसल्याचं दिसत आहे. मात्र ही केवळ 86 मतांची आघाडी असल्याने येथील लढत चुरशीची होणार आहे.

Edited By Rakhi Rajput