Nawab Malik : पवार-शिंदे संपर्कात? मलिकांचा खळबळजनक दावा!, पाहा Video

शरद पवार आणि राज्याचे मुख्यमंत्री एकनाथ शिंदे यांच्यात काहीतरी चाललं आहे, असा खळबळजनक दावा नवाब मलिक यांनी केला आहे. शरद पवार आणि एकनाथ शिंदे हे एकमेकांच्या संपर्कात असल्याचं देखील मलिक यांनी म्हंटलं आहे. त्यामुळे आता राज्यात विधानसभा निवडणुकीनंतर पुन्हा एकदा मोठी राजकीय उलथापालथ होणार असल्याची शक्यता वर्तवली जात आहे.

विधानसभा निवडणुकीच्या रणधुमाळीत राज्यात अनेक राजकीय घडामोडींना वेग आला आहे. अनेक खलबतं यानिमित्ताने राजकीय वर्तुळात सुरू असलेली दिसत आहे. अशातच आता मानखुर्द शिवाजीनगरचे विधानसभेचे उमेदवार नवाब मलिक यांनी शरद पवार आणि एकनाथ शिंदे यांच्याबद्दल केलेल्या खळबळजनक दाव्याने अनेक तर्कवितर्क लावले जात आहेत. 'शरद पवार आणि मुख्यमंत्री एकनाथ शिंदे हे एकमेकांच्या संपर्कात असून त्यांच्यात काही तरी सुरू आहे', असा दावा नवाब मलिक यांनी केल्याने आता राजकीय वर्तुळात चर्चा रंगल्या आहेत. इतकंच नाही तर 'विधानसभा निवडणूक निकालानंतर राज्यात अजित पवार हे किंगमेकर असतील, निकालानंतर राज्यात काय होईल ते सांगता येत नाही.' असंही मलिक यांनी म्हंटलं आहे. त्यामुळे विधानसभा निवडणुकीनंतर राज्यात पुन्हा एकदा मोठी राजकीय उलथापालथ होणार असल्याची शक्यता वर्तवली जात आहे.

Edited By Rakhi Rajput