१३ कोटींचा हायड्रो गांजा पकडला; नवी मुंबईत धडक कारवाई, पुणे कनेक्शन, VIDEO

विकास मिरगणे, नवी मुंबई, साम टीव्ही प्रतिनिधी

​नवी मुंबई पोलिसांनी अंमली पदार्थ तस्करी करणाऱ्या टोळीचा पर्दाफाश केला आहे. वाशी पोलीस ठाण्याच्या हद्दीत नवी मुंबई पोलिसांनी मोठी कारवाई केली आहे. या कारवाईत पोलिसांनी १३ कोटी ५० लाख रुपये किंमतीचा १३ किलो 'हायड्रो गांजा' जप्त केला आहे. तीन आरोपींना बेड्या ठोकल्या आहेत.​

​गुप्त माहितीच्या आधारे, वाशी पोलीस ठाण्याच्या हद्दीत काही व्यक्ती अमली पदार्थांच्या विक्रीसाठी आणि वाहतुकीसाठी येणार असल्याची गुप्त माहिती पोलिसांना मिळाली होती. त्यानुसार पोलिसांनी सापळा रचून ही कारवाई केली. ​अटक करण्यात आलेल्या तीन आरोपींपैकी दोन आरोपी पुण्यातील आहेत, तर एक आरोपी उल्हासनगरचा आहे.​

जप्त करण्यात आलेल्या १३ किलो 'हायड्रो गांजा'ची आंतरराष्ट्रीय बाजारपेठेतील किंमत सुमारे १३ कोटी ५० लाख रुपये असल्याचे सांगण्यात येत आहे. ​आरोपींना न्यायालयात हजर केले असता, त्यांना दोन दिवसांची पोलीस कोठडी सुनावण्यात आली आहे.