नाशिकमध्ये एक धक्कादायक घटना समोर आलीय. नाशिकच्या त्र्यंबकेश्वर तालुक्यात एका 19 वर्षीय भाऊ लचके नावाच्या तरुण अपघातात गंभीर जखमी झाला. या गंभीर जखमी झालेल्या तरुणाला नाशिकच्या मेडिकल कॉलेजमध्ये उपचारासाठी दाखल करण्यात आले. मात्र तपासण्या केल्यानंतर हॉस्पिटल प्रशासनाने या जखमी तरुणाला ब्रेन डेड म्हणून घोषित केल्याचा दावा रुग्णाच्या नातेवाईकांनी केला आहे. त्यातच जखमी तरुणाच्या नातेवाईकांच्या ऐकण्यात गोंधळ झाला आणि त्यांनी केवळ डेड झाला, असे समजून या तरुणाचा मृत्यू झाला म्हणून रुग्णालयातून अंत्यविधीसाठी घरी नेले. मात्र अंत्यविधीची तयारी सुरू असताना हा तरुण अचानक हालचाल करू लागल्याने सर्वांच्याच भुवया उंचावल्या आणि नेमकं काय घडतंय हेच या लोकांना समजले नाही.
यानंतर जखमी युवकाला पुन्हा नाशिकच्या जिल्हा रुग्णालयात उपचारासाठी दाखल करण्यात आले. सध्या त्याच्यावर नाशिकच्या जिल्हा रुग्णालयात उपचार सुरू असून तो ब्रेन डेड नसल्याचा खुलासा जिल्हा रुग्णालयाच्या डॉक्टरांनी केल्याने या प्रकरणातला गुंता अधिकच वाढला आहे. मात्र जखमी युवकाच्या नातेवाईकांच्या केवळ ऐकण्यात झालेल्या गोंधळामुळे हा सगळा प्रकार घडल्याचं समोर आलं आहे. या सगळ्या प्रकरणात मेडिकल कॉलेज रुग्णालय प्रशासनाने मात्र वेगळीच माहिती दिलीय. जखमी युवकाला त्याचे नातेवाईक खाजगी रुग्णालयात उपचारासाठी घेऊन जातो म्हणून घेऊन गेले, असा खुलासा मेडिकल कॉलेज प्रशासनाने केला आहे. त्यामुळे हा सगळा प्रकार गैरसमजातून झाला आहे की आणखी दुसऱ्या काही कारणामुळे झाला, हे मात्र समजू शकलं नाही. मात्र या प्रकरणाची जोरदार चर्चा मात्र शहरभर पसरलीय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.