Nashik Flood : मंदिरं, पूल पाण्याखाली; नाशिकला पुढील ४८ तास पावसाचा ऑरेंज अलर्ट, पाहा VIDEO

मुंबई : नाशिकमध्ये सलग तीन दिवस पावसाची संततधार सुरू आहे. पुढील ४८ तासांसाठी नाशिकला ऑरेंज अलर्ट जारी करण्यात आलाय. गंगापूरसह दारणा, पालखेड, गौतमी, गोदावरी आणि नांदूर मधमेश्वर धरणामधून पाण्याचा विसर्ग सुरू करण्यात आलाय. यामुळेच गोदावरी नदीचा पूर कायम आहे. नदीकाठच्या लोकांना पुराच्या अनुषंगाने सतर्कतेचा इशारा देण्यात आलाय.

गोदावरीच्या पुरस्थिती सलग तिसऱ्या दिवशी कायम आहे. रामकुंड आणि गोदावरीचा संपूर्ण परिसर पुराच्या पाण्याखाली गेलाय. अनेक मंदिरांना पुलाच्या पाण्याचा वेढा पडलाय. तर अनेक मंदिरं पाण्याखाली गेली आहेत. सलग तीन दिवसांपासून नाशिकमध्ये पावसाची जोरदार बॅटिंग सुरू आहे. गंगापूर धरणातून १३ हजार क्युसेक वेगाने पाण्याचा विसर्ग सुरू आहे. धरणाच्या पाणलोट क्षेत्रामध्ये मुसळधार पाऊस सुरूच असल्याने पाण्याच्या विसर्गात वाढ होण्याचा अंदाज आहे.