Nashik Lok Sabha News : 1 मिनिट बाकी असताना उमेदवारी अर्ज मागे घेतला! अनिल जाधवांच्या माघारीनं कुणाला दिलासा?

नाशिक : नाशिक लोकसभा मतदार संघात नाट्यमय घडामोडी घडल्याचं पाहायला मिळालं. अखेरच्या क्षणी अपक्ष उमेदवार अनिल जाधव यांनी आपला उमेदवारी अर्ज मागे घेतला. अनिल जाधव हे भाजपचे निष्ठावंत कार्यकर्ते म्हणूनही ओळखले जातात. त्यांनी दाखल केलेला उमेदवारी अर्ज अखेरचा एक मिनिट बाकी असताना मागे घेण्यात आला. जाधवांच्या माघार घेण्यामुळे हेमंत गोडसे यांना दिलासा मिळालाय. विशेष म्हणजे जाधवांच्या उमेदवारी अर्ज मागे घेण्याच्या प्रक्रियेदरम्यान महायुतीचे उमेदवार असलेले हेमंत गोडसे हे स्वतःही जिल्हाधिकारी कार्यालयात दाखल झालेले होते. उमेदवारी अर्ज मागे घेण्याच्या शेवटच्या क्षणी घडलेल्या या राजकीय घडामोडीची चर्चा रंगलीय.