Nasarapur Case: नसरापूर प्रकरणावरून ग्रामस्थ आक्रमक, अडीच तासांपासून मुंबई- बंगळुरू महामार्ग पूर्णत: बंद; VIDEO

नसरापूर प्रकरणावरून ग्रामस्थ आक्रमक झाले आहेत. आरोपीला फाशीची शिक्षा झाली पाहिजे या मागणीसाठी ग्रामस्थांनी मुंबई- बंगळुरू महामार्गावर रास्तारोको आंदोलन करत आहेत. वडगाव पूल ते नवले पुलावर दोन्ही बाजूला ग्रामस्थांकडून रास्तारोको आंदोलन केले जात आहे. या आंदोलनामुळे गेल्या अडीच तासांपासून मुंबई- बंगळुरू महामार्गावरील वाहतूक ठप्पर झाली आहे.

नसरापूर प्रकरणातील पीडितेचे नातेवाईक आणि गावकरी आंदोलन करत आहेत. त्यांनी जोपर्यंत ठोर निर्णय घेतला जात नाही तोपर्यंत पीडितेच्या मृतदेहावर अंत्यसंस्कार करण्यास नकार दिला. वडगाव ब्रिज येथे हॉटेल सुवर्णा समोर सुरू असलेल्या रास्तारोको आंदोलनामुळे मुंबईकडून साताऱ्याकडे तसेच साताऱ्याकडून मुंबईकडे जाणाऱ्या दोन्ही मार्गिका पूर्णतः बंद करण्यात आलेला आहे. त्यामुळे सदर मार्गावर प्रवास करणाऱ्या सर्व वाहनचालकांनी वडगाव ब्रिजकडे येणे टाळावे. कृपया सुरक्षित ठिकाणी थांबून राहावे किंवा पर्यायी मार्गांचा वापर करावा. रास्तारोको आंदोलन संपुष्टात येण्यासाठी काही कालावधी लागू शकतो, असे आवाहन वाहतूक शाखेचे पोलीस उप आयुक्त यांनी केले.