Narayan Rane : ...म्हणून मी शिवसेना सोडली; भाजप खासदार नारायण राणेंनी सांगितलं कारण

रत्नागिरी - बाळासाहेब ठाकरे हयातीत असताना शिवसेना सोडलेल्या नारायण राणे यांनी पक्ष सोडल्याचे अजब कारण सांगितलं. 'बाळासाहेब ठाकरे यांच्या नेतृत्वात मी काम केले. साहेब गेल्यानंतर शिवसेना राहिली नाही म्हणून मी शिवसेना सोडून भाजपमध्ये आलो. जगातील सर्वात मोठा पक्ष भाजप आहे. देशात सत्ता भाजपची आहे, असे भाजप खासदार नारायण राणे यांनी सांगितले. ते चिपळूनमध्ये बोलत होते. 'नरेंद्र मोदी यांनी अकरा वर्षात भारत जागतिक अर्थव्यवस्थेत 14 व्या क्रमांकावरून पाचव्या क्रमांकावर आहे. काही वर्षात भारत जागतिक अर्थव्यवस्थेत तिसऱ्या क्रमांकावर असेल, असेही त्यांनी सांगितले.