४ वर्ग, एक खोली अन् एकच शिक्षक... जिल्हा परिषदेच्या शाळेत शिक्षणाची बिकट अवस्था!

Nanded School Reality : नांदेडच्या नायगाव तालुक्यात शिक्षणाचा बोजवारा उडाल्याचे चित्र समोर आले आहे. येथे एकाच खोलीत पहिली ते चौथीचे चार वर्ग भरत असल्याची धक्कादायक माहिती मिळाली आहे. शाळेत ५० विद्यार्थी असून त्यांच्यासाठी केवळ एकच शिक्षक उपलब्ध आहे. यामुळे विद्यार्थ्यांच्या शिक्षणात मोठ्या अडचणी येत आहेत. ग्रामस्थांनी या समस्येची गंभीर दखल घेत शिक्षकांची संख्या वाढवण्याची मागणी केली आहे. ग्रामीण भागातील शिक्षणाच्या दयनीय अवस्थेवर हा रिपोर्ट प्रकाश टाकतो.

नांदेडच्या नायगाव तालुक्यातील शेळगांव गौरी गावातील शाळेला एकच वर्ग खोली असल्याने विध्यार्थ्यांना शिक्षणासाठी मोठ्या अडचणीचा सामना करावा लागत आहे. गावातील पहिली ते चौथी वर्गात जवळपास पन्नास विद्यार्थी आहेत. मात्र या सर्वच विद्यार्थ्यांना एकाच खोलीत आणि उपलब्ध असलेल्या एकाच शिक्षकाकडून ज्ञानार्जन घ्यावे लागत आहे. या समस्यकडे लक्ष देऊन शिक्षकांची संख्या वाढवावी अशी मागणी ग्रामस्थांनी केली आहे.