VIDEO : मविआच्या पत्रकार परिषदेत ठाकरे-कॉंग्रेस वाद चव्हाट्यावर; पटोले राऊतांवर बरसले

महाविकास आघाडीतील ठाकरे गट आणि कॉंग्रेसमधील वाद भर पत्रकार परिषदेत चव्हाट्यावर आला आहे. खासदार संजय राऊत यांच्यावरची नाराजी कॉंग्रेसचे प्रदेशाध्यक्ष नाना पटोले यांनी बोलून दाखवल्याने पत्रकार परिषदेतच आघाडीतील बिघाडी सगळ्यांच्या समोर आली आहे. यावेळी मविआतील नेते देसाई आणि आव्हाडांकडून नाना पटोले यांना यावेळी समजवण्याचा प्रयत्न देखील केला गेलेला दिसून आला आहे.

उद्धव ठाकरे गटाचे खासदार नेते संजय राऊत यांनी आज सकाळी नाना पटोले याच्यावर टीका केली होती. त्यानंतर मविआच्या पत्रकार परिषदेतच नाना पटोले यांनी राऊतांवरची आपली नाराजी जाहीरपणे बोलून दाखवल्याने आता ठाकरे गट आणि कॉंग्रेसमधील वाद चव्हाट्यावर आला आहे. ''संजय राऊत हे उद्धव ठाकरे यांना जुमानत नसतील तर तो त्यांचा प्रश्न आहे.'' असं यावेळी बोलताना नाना पटोले यांनी म्हंटलं. त्यानंतर अनिल देसाई आणि आव्हाड यांनी पटोले यांना समजवण्याचा प्रयत्न केलेल्या दिसून आला. दरम्यान, आता यावर संजय राऊत काय प्रतिक्रिया देतात हे बघणं महत्वाचं ठरणार आहे.