नागपूर येथील येस बँकेच्या माउंट रोड शाखेसमोर मनसेचे तीव्र आंदोलन
इंद्रजित मुळे यांची जेसीबी बँकेकडून एकतर्फी जप्त आणि विक्री
चर्चेला न आल्याने संतप्त मनसे कार्यकर्त्यांनी मॅनेजरला मारहाण करत काळं फासलं
बँकेच्या अन्यायकारक कारभारावर संताप व्यक्त करत घोषणाबाजी
नागपूर : येथील येस बँकेकडून एकतर्फी कारवाई करत कर्जदाराची जेसीबी जप्त करून विक्री केल्याच्या प्रकारावरून महाराष्ट्र नवनिर्माण सेनेने आज माउंट रोडवरील येस बँक शाखेसमोर तीव्र आंदोलन छेडलं. इंद्रजित बळीराम मुळे यांनी येस बँकेकडून जेसीबीसाठी कर्ज घेतले होते. मात्र काही हप्ते थकित राहिल्याने, त्यांनी आरटीओमध्ये जेसीबी पासिंगसाठी नेले असताना बँकेने अचानक ती जप्त केली आणि परस्पर विक्री केली. या एकतर्फी आणि अन्यायकारक निर्णयाविरोधात मुळे यांनी मनसेकडे धाव घेतली होती. मनसे पदाधिकारी बँकेसमोर निदर्शन करत असताना, त्यांना गेटवरच रोखण्यात आलं. त्यामुळे शाखेसमोर जोरदार घोषणाबाजी करण्यात आली. यावेळी बँकेचे कर्मचारी चर्चेसाठी समोर न आल्यामुळे आंदोलन अधिक चिघळले.
बँकेचे कर्मचारी चोर आहेत, म्हणूनच ते समोर यायला घाबरत आहेत. आम्ही शांततेत चर्चा करू इच्छित होतो, पण त्यांनी उडवा-उडवीची उत्तरे दिली, असा संतप्त आरोप मनसे पदाधिकाऱ्यांनी केला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.