Nagpur : नागपूरात मुसळधार पावसाचा अंदाज, ऑरेंज अलर्ट जारी | VIDEO

नागपूर शहरात काल संध्याकाळपासून मुसळधार पावसाने जोरदार हजेरी लावली आहे. अनेक भागांत पाणी साचल्याने नागपूरकरांची मोठी तारांबळ उडाली आहे.नागपूरात मुसळधार पावसामुळे ऑरेंज अलर्ट जारी केला आहे.सतत कोसळणाऱ्या पावसामुळे शहरातील सखल भाग, मुख्य रस्ते आणि उपनगरांमध्ये पाणी साचून वाहतूक व्यवस्थाही विस्कळीत झाली आहे. मुसळधार पावसामुळे शाळा, महाविद्यालयांना सुट्टी देण्यात आली आहे.सिटीत ठिकठिकाणी जलजमाव झाल्याने वाहनचालकांना अडथळ्यांना सामोरे जावं लागलं. तसेच, काही भागांत घरांमध्येही पाणी घुसल्याच्या घटना घडल्या आहेत.

अचानक आलेल्या या मुसळधार पावसामुळे बाजारपेठा ओस पडल्या आणि नागरिक घरातच अडकून पडलेआहेत. हवामान विभागानं पुढील २४ तासांसाठी नागपूरसह विदर्भात हलक्या ते मध्यम स्वरूपाच्या सरींचा अंदाज वर्तवला आहे. त्यामुळे नागरिकांनी खबरदारी घेण्याचं आवाहन प्रशासनाकडून करण्यात आलं आहे.नागपूरमध्ये पावसाने दिलेली ही जोरदार हजेरी पुढील काही दिवस तरी असाच कायम राहण्याची शक्यता हवामान खात्याने व्यक्त केली आहे.