Onion Scam : कांदा खरेदी घोटाळा ; ८ दिवसांत अहवाल सादर करणार, नाफेडच्या अधिकाऱ्यांचे धाबे दणाणले, पाहा VIDEO

मुंबई : कांदा खरेदी घोटाळ्याप्रकरणी हालचालींना वेग आलाय. नाफेड बफर स्टॉक कांदा खरेदीतील कोट्यावधींच्या गैरव्यवहार प्रकरणी हालचालींना वेग आल्याचं दिसत आहे. नाशिकमध्ये आलेल्या केंद्रीय चौकशी पथकाकडून ८ दिवसांत अहवाल सादर केला जाणार आहे. नाफेडच्या कांदा खरेदीत अनेक बोगस प्रकार समोर आले आहेत.

चौकशी पथकाकडून ८ दिवसांत अहवाल सादर केला जाणार आहेत. त्यामुळे नाफेडचे अधिकारी, फार्मर प्रोड्युसर कंपन्यांचे धाबे दणाणले आहेत. चौकशीत दोषी असणाऱ्यांवर कठोर कारवाई करा, अशी मागणी महाराष्ट्र राज्य कांदा उत्पादक शेतकरी संघटनेने केलीय. शेतकऱ्यांकडे गैरव्यवहाराचे पुरावे मागण्याऐवजी सरकारनं सखोल चौकशी करून दोषींवर गुन्हे दाखल करा, अशी मागणी कांदा उत्पादक शेतकरी संघटना करत आहेत. अहवाल आल्यानंतर नेमकं कोणावर कारवाई होते, हे पाहणं महत्वाचं ठरणार आहे.